Në Apelin e Gjykatës së Posaçme Kundër Korrupsionit dhe Krimit të Organizuar (GJKKO) u zhvillua më 4 mars 2026 seanca e parë në themel për çështjen e inceneratorit të Tiranës. Kjo seancë u fokusua në kërkesat për shqyrtim të ri gjyqësor dhe provat e administruara në shkallë të parë.
Trupa gjykuese kryesohet nga relatoria Ilirjana Olldashi, me anëtarët Nertina Kosova dhe Daniela Shirka.
Prokurori Dritan Prençi deklaroi se në momentin e vendimit të mëparshëm të GJKKO-së nuk ishin të pranishme rrethana të reja, të cilat tani duhet t'i vlerësojë trupa aktuale. Ai kërkoi përsëritjen e shqyrtimit gjyqësor për të marrë disa prova sa i përket ankimave të palëve, përfshirë rastin e Lefter Kokës, ndaj të cilit është shuar masa e arrestit. Prençi theksoi nevojën për vlerësimin e provave të shkallës së parë.
Mbrojtja e Lefter Kokës kundërshtoi kërkesën e SPAK-ut si të pabazuar materialisht dhe proceduralisht. Avokatët thanë se Koka u dënua dhe nuk u shpall i pafajshëm; ai u hetua dhe gjykua me masën "arrest në burg" për inceneratorin e Tiranës. Më 16 prill 2025 u deklarua fajtor, ndërsa dënimi përkon me kohën e paraburgimit, prandaj gjykata shoi masën e sigurisë. Mbrojtja kërkoi rrëzimin e kërkesës.
Seanca vazhdon me shqyrtimin e mëtejshëm të provave dhe ankimave.
Përditësime
GJKKO pranoi pjesërisht kërkesën e SPAK-ut për përsëritje të pjesshme të gjykimit.
- Do të marrë prova për Lefter Kokën.
- Do të pyesë Jetmir Llapajn (Allapajt) dhe Sulejman Tolën.
Seanca shtyhet për 10 mars, ora 14:00.
GJKKO specifikoi se personi i dytë për t’u pyetur është Silena Tola, e pandehur në një hetim të lidhur.
Gjykata shpjegoi se rihapja e seancës është për shqyrtimin e një prove të re, e cila nuk u trajtua në vendimin e shkallës së parë.