Shërbimet e Policisë Kufitare në pikën kufitare Kakavijë goditën dy raste mosdeklarimi të të hollave gjatë daljes nga Shqipëria.
Gjatë kontrolleve në vijë të dytë:
- shtetasi F. V., 60 vjeç, banues në Berat, iu gjetën 10 950 euro gjatë kontrollit fizik, të padeklaruara;
- shtetasja M. J., 54 vjeçe, banuese në Tiranë, kishte 15 000 euro në çantë, gjithashtu të padeklaruara.
Shuma totale 25 950 euro u sekuestruan në cilësinë e provës materiale. Specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi penal në gjendje të lirë ndaj të dy shtetasve për veprën penale “Mosdeklarimi në kufi i të hollave dhe i sendeve me vlerë”.
Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.