Strukturat e Doganës së Durrësit, në bashkëpunim me Policinë Kufitare, kanë sekuestruar sot shumën prej 25,000 eurosh, e cila ishte e padeklaruar. Paratë u zbuluan gjatë kontrollit në vijën e dytë të një automjeti në pronësi të një shtetasi italian.
Pas verifikimeve dhe kontrollit fizik të mjetit, autoritetet konstatuan se shuma nuk ishte deklaruar konform procedurave ligjore në fuqi. Gjatë këtij kontrolli, nuk u konstatuan sende të tjera të kundërligjshme.
Shuma e sekuestruar i ka kaluar strukturave kompetente për procedurat e mëtejshme. Autoritetet theksojnë se kontrollet e përbashkëta në pikat e kalimit kufitar do të vijojnë, me qëllim garantimin e zbatimit të legjislacionit dhe ruajtjen e sigurisë.