Shpenzimet totale të anëtarëve të NATO-s për mbrojtje në vitin 2025 arritën nivelin rekord prej 1.4 trilion dollarësh, nga 1.3 trilion dollarë në vitin 2024. Për herë të parë, të gjithë aleatët përmbushën objektivin e 2% të Prodhimit të Brendshëm Bruto, sipas raportit të publikuar nga aleanca.
Evropa dhe Kanadaja rritën shpenzimet me 20% në terma realë, ose 19.6% sipas të dhënave të tjera, duke arritur 574 miliardë dollarë. Këto shpenzime përbëjnë rreth 41% të totalit të NATO-s, ndërsa 34% e tyre u shpenzuan për blerjen e armatimeve. Shpenzimet e Shteteve të Bashkuara mbetën më të lartat, me mbi 838 miliardë euro pavarësisht një rënieje të lehtë, dhe përfaqësojnë pjesën tjetër të buxhetit total.
Shkallat më të larta të shpenzimeve ndaj PBB-së u regjistruan në Poloni me 4.3%, Lituani me 4%, Letoni me 3.74% dhe Estoni me 3.42%. Shtetet e Bashkuara qëndrojnë në 3.19%.
Sekretari i përgjithshëm i NATO-s, Mark Rutte, e cilësoi vitin 2025 si "vendimtar" dhe u bëri thirrje aleatëve të avancojnë drejt një objektivi të ri prej 5% të PBB-së deri në 2035. Ai theksoi nevojën për rritje të prodhimit të armatimeve, forcim të forcave të armatosura dhe mbështetje për Ukrainën. Rutte nënvizoi se qeveritë, parlamentet dhe qytetarët duhet të bashkohen për të mbrojtur paqen, lirinë dhe prosperitetin.