Shërbimi i Kërkim-Shpëtimit Malor i Kosovës zhvilloi më 17 shkurt 2026 një operacion shpëtimi për një turiste ski-bjeshkatare, e cila kishte pësuar thyerje të këmbës gjatë skijimit në Bjeshkët e Nemuna.
Aksidenti ndodhi në afërsi të majës së Ram Aruqit, në kreshtën kufitare mes Republikës së Kosovës dhe Shqipërisë.
Ekipet e shpëtimit i ofruan viktimës ndihmën e parë në vendngjarje, duke imobilizuar frakturën dhe përgatitur për evakuim të sigurt. Operacioni u ekzekutua me teknika bartjeje me barrelë dhe motosajë.
Shpëtimi përfundoi me dorëzimin e të lënduarës te ekipet e urgjencës për trajtim të mëtejshëm mjekësor.