Ministria e Mbrojtjes e Sllovenisë ka njoftuar se nuk ekzistojnë plane për zvogëlimin e pranisë ushtarake në kuadër të misionit të KFOR-it në Kosovë. Ky qëndrim u bë publik përmes një deklarate zyrtare, të cituar nga agjencia sllovene e lajmeve STA.
Sipas njoftimit, çdo vendim në lidhje me përshtatjet e mundshme të angazhimit të ardhshëm do të merret pas një vlerësimi gjithëpërfshirës. Ky proces do të marrë parasysh nevojat operacionale të misionit, si dhe kapacitetet në dispozicion të forcave sllovene.
Momentalisht, në territorin e Kosovës janë të stacionuar 106 pjesëtarë të Forcave të Armatosura të Sllovenisë, të cilët vijojnë detyrat e tyre në përputhje me mandatin e KFOR-it.