Një person humbi jetën dhe dy të tjerë u plagosën rëndë në një sulm me thikë në Sidnei këtë mëngjes. Shërbimet e emergjencës u thirrën në një periferi perëndimore të metropolit australian rreth orës 10:00, pasi një burrë goditi me thikë disa njerëz në një lagje të mbushur me njerëz, para se të largohej nga vendngjarja. Kjo sipas një njoftimi për shtyp nga policia shtetërore e Uellsit të Ri Jugor.
Mjekët e urgjencës u dhanë ndihmë mjeksore tre personave me lëndime të rënda, por një burrë vdiq në vendngjarje, deklaroi oficeri i lartë i policisë Simon Glaser. Dy viktimat e tjera, një 22-vjeçar dhe një grua 47-vjeçare, u dërguan në spital në gjendje kritike.
Simon Glaser tha se sulmuesi i dyshuar u arrestua pak kohë më vonë gjatë një bastisjeje në zonë. Ai është i njohur për policinë për vepra të tjera penale dhe ka një histori problemesh të shëndetit mendor. Sulmuesi ishte planifikuar të paraqitej në gjykatë më vonë gjatë ditës.
"Është ende shumë herët në hetim dhe nuk e dimë motivin", tha Glaser, duke shtuar se sulmi duket të ketë qenë i rastësishëm.
Përditësime
Policia e Sidneit specifikoi se viktima e vdekur ishte një person midis 30 dhe 50 vjeç.
Sulmi ndodhi në një zonë tregtare të qytetit.