Autoritetet policore në Tiranë kanë nisur procesin e kërkimit për shtetasin Eglant Koçi, 35 vjeç, pasi familjarët kanë humbur kontaktet me të prej 3 ditësh. Denoncimi është depozituar një ditë më parë në Komisariatin nr. 2, ku familja ka kërkuar asistencën e policisë për gjetjen e tij.
Sipas të dhënave, Eglant Koçi, i datëlindjes 17 shtator 1991, është parë për herë të fundit në zonën pranë sheshit Wilson në kryeqytet, teksa po udhëtonte me një automjet me targa CT969. Familjarët kanë deklaruar se 35-vjeçari nuk ka pasur konflikte me persona të tjerë.
Në kuadër të veprimeve hetimore, policia po kryen kontrollin e kamerave të sigurisë për të përcaktuar drejtimin e lëvizjes. Sipas informacioneve paraprake nga blutë e kryeqytetit, pamjet e administruara deri tani tregojnë lëvizje normale të automjetit, ndërsa kërkimet vijojnë për zbardhjen e vendndodhjes së tij.