Ernest Muçi është kthyer brenda pak kohësh në lojtarin qendror te Trabzonspori dhe klubi turk po bën maksimumin për të përfituar nga forma e tij, ku po shënon gola e jep asiste rregullisht.
Dy golat e tij në Kupë e kanë bërë edhe më protagonist sulmuesin shqiptar. Sipas mediave turke si TGRT Haber, kjo formë ka vulosur transferimin përfundimtar te Trabzonspori. Klubi ka vendosur të paguajë klauzolën prej 8 milionë eurosh në fund të sezonit, ndonëse shpreson një ulje nga Beşiktaş.
Vendimi buron nga besimi i verbër i trajnerit Fatih Teke te aftësitë e Muçit. Në videot e publikuara në rrjetet sociale nga klubi, dëgjohen udhëzimet e tij në pushimin e ndeshjes: "Luani lirshmërisht, jeni të lirë në fushë. Duhet t’i japim topin Muçit".