Një ngjarje e rëndë ka ndodhur në orët e para të mëngjesit të datës 4 qershor 2026 në zonën e Lozhanit, në Bashkinë e Maliqit. Një grup policor ishte nisur drejt fshatit të thellë malor Bodë me qëllim kapjen e një personi të shpallur në kërkim.
Gjatë afrimit të forcave policore pranë stanit ku strehohej autori, i identifikuar si Violand Bracellari, ky i fundit ka hapur zjarr me armë zjarri ndaj tyre. Bracellari, ish-ushtarak, dyshohet se mbante një numër të madh qensh për të vëzhguar lëvizjet përreth zonës ku qëndronte.
Si pasojë e të shtënave, një efektiv policie ka gjetur vdekjen në krye të detyrës, ndërsa një tjetër ka mbetur i plagosur. Forcat e rendit kishin ndërmarrë operacionin për shkak të statusit të autorit, i cili ishte i skeduar prej vitesh për vepra të ndryshme penale.