Presidenti i Shteteve të Bashkuara, Donald Trump, ka deklaruar se Uashingtoni ka nisur negociatat për Groenlandën, duke e cilësuar procesin si një hap të rëndësishëm për sigurinë kombëtare amerikane. Deklarata u bë gjatë një bisede me gazetarët në bordin e avionit presidencial Air Force One.
Trump iu përgjigj pyetjeve për zhvillimet e fundit dhe kontaktet me liderët evropianë, përfshirë kryeministrin britanik Keir Starmer dhe presidentin francez Emmanuel Macron. "Për Groenlandën kemi nisur negociatat. Do të jetë një marrëveshje e mirë për të gjithë", tha ai, sipas agjencisë Bloomberg. Ai shtoi se ekziston një konsensus mjaft të gjerë dhe se "ata duan që ne ta bëjmë këtë".
Sipas Trump-it, marrëveshja ka rëndësi të madhe për interesat strategjike të SHBA-së. "Mendoj se do të jetë një marrëveshje shumë e rëndësishme, në fakt shumë, shumë e rëndësishme për sigurinë kombëtare. Besoj se do ta gjejmë një marrëveshje", përfundoi ai.
Më 21 janar, pas bisedimeve me sekretarin e përgjithshëm të NATO-s, Mark Rutte, Trump njoftoi se kishin dalë skicat e një marrëveshjeje për Groenlandën. Sipas Axios, draft-marrëveshja që Rutte i propozoi Trump-it përcakton ruajtjen e sovranitetit të Danimarkës mbi Groenlandën dhe përditësimin e kushteve të marrëveshjes së vitit 1951 për mbrojtjen e ishullit. Kjo do t’i lejonte SHBA-së të krijonte baza ushtarake dhe "zona mbrojtëse" atje, nëse NATO e konsideron të nevojshme.
Kryeministrja daneze Mette Frederiksen deklaroi se Rutte nuk kishte autoritet për të zhvilluar negociata të tilla në emër të Danimarkës. Ajo vuri në dukje se procesi i negociatave është rikthyer në "rrugën tradicionale" të përpjekjeve diplomatike.
Përditësime
Grupi i punës mbajti takimin e parë më 28 janar në Uashington, me zyrtarë nga Danimarka, Groenlanda dhe SHBA.
Kryeministri i Groenlandës Jens-Frederik Nielsen u shpreh optimist, duke theksuar pritjet për rezultate konkrete dhe mbështetjen e BE-së: 'Nuk jemi vetëm'.
Ministri i Jashtëm danez Lars Løkke Rasmussen deklaroi se takimi u zhvillua në klimë konstruktive dhe se është më optimist.
Nielsen dhe kryeministrja daneze u takuan me liderët e Francës dhe Gjermanisë.
Kryeministri Nielsen deklaroi: “Groenlanda as nuk blihet, as nuk shitet!”.
Para parlamentit, ai shtoi: “Dialogu ka filluar dhe Naalakkersuisut do të punojë për rezultate konkrete.”
Rasmussen tha: “Jam pak më optimist sot (të enjten) se një javë më parë.”
Kërcënimet e Trump kanë krijuar tensione në NATO.
Negociatat zhvillohen pas premtimit të Trump për mos përdorim force ushtarake.