Kryetarja e Kuvendit Komunal të Ulqinit, Ivana Popoviq, njoftoi se në seancën e fundit u miratua një rregullore e re mbi sjelljen në zonat publike. Qëllimi i vendimit është ruajtja e rendit, etikës dhe imazhit të qytetit.
Sipas rregullores, ndalohet lëvizja me rroba banje ose me trup pjesërisht të zhveshur jashtë zonave të plazhit dhe të notit. Ndalimi zbatohet në rrugë, sheshe, shëtitore, parqe, zona këmbësorësh dhe zona të gjelbra.
Shkelësit i nënshtrohen gjobave prej 350 deri në 500 euro. Popoviq deklaroi se rregullorja u miratua për të ruajtur rendin, kulturën e sjelljes dhe respektimin e hapësirave të përbashkëta publike.