Në tre milionë faqet e reja të publikuara lidhur me dosjen e Jeffrey Epstein shfaqet emri i një vajze shqiptare me iniciale E.T.. Ajo aplikoi për një vend pune si asistente personale në mars 2017.
Sipas CV-së së saj, vajza jetonte në Tiranë. Fillimisht ajo dërgoi një email një personi ndërmjetës (emri i të cilit është i mbuluar në dokumente), ku shprehu interesin për punën e përmendur Evan Luthra-s. "Përshëndetje, jam e interesuar për punën për të cilën i thatë Evan Luthra-s, por unë nuk jam me bazë në SHBA. A është kjo problem?", shkruante ajo.
Ndërmjetësi i kërkoi asaj të dërgonte tre foto me cilësi të mirë dhe CV-në. Kandidatja i përcjelli dokumentet dhe fotot personale. Më pas, ajo dërgoi edhe një video për kandidimin.
Ndërmjetësi ia përcjelli materialet Jeffrey Epstein-it, duke e njoftuar se bëhet fjalë për një vajzë 21-22 vjeçe. Edhe pse CV-ja tregonte se ajo jetonte në Tiranë, ndërmjetësi shkroi se ajo ndodhet në Paris dhe pyeti: "A duhet ta intervistoj këtë?".
Nga dokumentet nuk rezulton komunikim i drejtpërdrejtë mes vajzës shqiptare dhe Epstein-it. As nuk tregohet çfarë ndodhi më pas.
Përditësime
E. Terziu, vajzë nga Tiranë, identifikohet plotësisht në dosjet e Jeffrey Epstein, të publikuar nga Departamenti i Drejtësisë i SHBA-së.
Një ndërmjetës i shkroi asaj: "Jo, nuk është. Ju lutem dërgoni tre foto të cilësisë së mirë dhe CV".
Dosjet e Jeffrey Epstein zbulojnë një vajzë shqiptare tjetër në Nju Jork, e gatshme për "çdo lloj pune", në emailin e "kandidatëve kryesorë" të 29 marsit 2017, përfshirë video dhe vështirësi me dokumentet.
Zhvillime të tjera:
• Konfirmuar emri plotë: Egerta Terziu.
• Përmendje e Shqipërisë në email-e personale nga 2010 dhe 2013.