Një vatër zjarri është regjistruar pasditen e së martës në afërsi të fshatit Novoselë, duke shkaktuar shqetësim te banorët pasi flakët iu afruan zonave të banuara.
Pas njoftimit, forcat zjarrfikëse kanë mbërritur menjëherë në vendngjarje. Pas një operacioni që zgjati dy orë, zjarrfikësit arritën të izolojnë flakët dhe të shmangin rrezikun për banesat. Aktualisht, ekipet vijojnë punën për shuarjen e plotë të vatrës së zjarrit në terren.
Sipas raportimeve, temperaturat e larta dhe era kanë favorizuar përhapjen e shpejtë të flakëve, duke vështirësuar ndërhyrjen e ekipeve. Shkaqet e rënies së zjarrit mbeten ende të paqarta.