Arben Vitia, ministër i Shëndetësisë, ka njoftuar se mjekët që kanë përfunduar specializimet janë në proces të licencimit.
Brenda dy javëve të ardhshme, ose shumë shpejt në 10 ditë, pritet hapja e konkursit për punësimin e tyre në sistemin publik shëndetësor, me prioritet të veçantë për anesteziologët.
Sipas Vitisë, licencimi është kusht i domosdoshëm për çdo mjek që dëshiron të punojë në institucionet publike. Procedurat po zhvillohen me shpejtësi dhe seriozitet për specialitetet më deficitare, duke filluar nga anesteziologjia, për të plotësuar nevojat urgjente të spitaleve publike.
«Domethënë kanë qenë në proces të licencimit pas përfundimit, sepse secili mjek për të punuar në sistemin tonë shëndetësor i nevojitet licencë. Dhe pas përfundimit, te disa vetëm janë në proces të përfundimit me shpejtësinë më të madhe edhe me seriozitetin më të madh, duke filluar nga prioriteti më i madh që në këtë rast janë anesteziologët, do të kemi hapje të konkursit, shumë shpresoj që në 10 ditë ose në dy javët e ardhshme», u shpreh Vitia.