Pasditen e së mërkurës, kodra e Kuzum Babasë në Vlorë është përfshirë nga flakët, të cilat kanë djegur një sipërfaqe me shkurre dhe bimësi. Menjëherë pas njoftimit, forcat e Shërbimit Zjarrfikës të Vlorës kanë mbërritur në vendngjarje për të nisur operacionin e izolimit dhe shuarjes së zjarrit.
Situata paraqitet shqetësuese pasi në afërsi të vatrës së zjarrit ndodhen banesa, si dhe Teqeja e Kuzum Babasë, një objekt me rëndësi të veçantë historike dhe fetare për qytetin. Zjarrfikësit po vijojnë ndërhyrjen në terren me qëllim parandalimin e përhapjes së flakëve në zona të tjera.