Një zjarr ka rënë këtë të shtunë në masivin pyjor të vendit të quajtur Suka e Mamëzit, në Njësinë Administrative Kolsh, Bashkia Kukës.
Në vendngjarje ndodhen 8 punonjës të Drejtorisë Bashkiake të Mbrojtjes nga Zjarri dhe Shpëtimit (MZSh) Kukës, si dhe një mjet zjarrfikës. Ata po punojnë për vënien nën kontroll dhe shuarjen e flakëve, të favorizuara edhe nga era.
Sipas informacioneve paraprake, zjarri ka përfshirë një sipërfaqe të konsiderueshme pylli, me:
- bar të thatë;
- shkurre;
- lëndë drusore kryesisht lis.
Ky është rasti i parë për këtë vit i një zjarri në masivet e larta pyjore të qarkut të Kukësit.
Deri tani nuk dihen ende shkaqet e rënies së zjarrit. Shërbimi Zjarrfikës i Bashkisë Kukës vazhdon punën në terren të vështirë malor për izolimin e plotë të vatrës.