Policia e Shtetit ka zbuluar një rrjet të gjerë prostitucioni në Shqipëri dhe ka arrestuar 118 vajza dhe gra, shumica me kombësi të huaj nga Brazili, Kina, Tajlanda dhe vende të tjera.
Ato maskonin aktivitetin e paligjshëm si turizëm, duke shpërndarë informacione për destinacione turistike si justifikim për qëndrimin në Shqipëri.
Në fillim të këtij viti, policia ka identifikuar 9 raste në qytete të ndryshme, ku shtetaset e ardhura si turiste u përfshinë në rrjete prostitucioni. Aktiviteti drejtohej kryesisht online, duke përdorur faqe dhe platforma për reklamim, ku ekspozonin foto dhe numra kontakti.
Një kanal kryesor ishte rrjeti social Telegram, ku grupet publike shërbenin për recrutim vajzash dhe komunikim me klientët.
Shpesh, vajzat joshen me premtime për pagesa të larta ose janë viktima të rrjeteve ndërkombëtare të trafikut të qenieve njerëzore.
Në tetor të vitit të kaluar, Policia e Tiranës, në bashkëpunim me Europol, Eurojust, Policinë Kroate dhe Policinë Kombëtare të Kolumbisë, zbuloi një rrjet me 48 gra dhe vajza nga Amerika Latine dhe Azia Qendrore. Ato trafikoheshin dhe shfrytëzoheshin për prostitucion në Shqipëri.
Ky operacion është pjesë e përpjekjeve të Policisë së Shtetit për të luftuar krimin e organizuar dhe shfrytëzimin e shtetaseve të huaj.