Shërbimet e Drejtorisë Vendore të Kufirit dhe Migracionit Kukës organizuan dhe finalizuan operacionin policor „Mënyra” në fshatin Morinë të Kukësit. Operacioni u bazua në informacione për një skemë të re transporti të emigrantëve të paligjshëm kundrejt fitimit.
F. B., 31 vjeçe banuese në Tiranë, u kap në flagrancë duke transportuar me automjetin e saj 7 emigrantë të paligjshëm, të cilëve do t’u ndihmonte të kalonin kufirin me Kosovën. Ndërsa Xh. C., 22 vjeçe po ashtu nga Tirana, drejtonte automjetin shoqërues për të kontrolluar rrugën dhe shmangur shërbimet policore.
Si provë materiale u sekuestruan 2 automjetet, një sasi euro dhe një sasi parash. Materialet i janë referuar Prokurorisë për veprime të mëtejshme.
Hetimet vijojnë për zbardhjen e plotë të skemës.