Shërbimet e Komisariatit të Policisë Nr. 3, në drejtimin e Prokurorisë së Tiranës, kanë organizuar dhe finalizuar operacionin policor të koduar "Foleja 6". Operacioni u zhvillua bazuar në informacione për ushtrim prostitucioni në një apartament të marrë me qira në rrugën Mysylm Shyri.
Gjatë aksionit, policia arrestoi shtetaset nga Kina H. W., 40 vjeçe, dhe K. Sh., 38 vjeçe, pasi nga hetimet rezultoi se ato ushtronin prostitucion në atë ambient.
Gjithashtu, nisi procedimi penal për tre shtetas të tjerë, të cilët dyshohen se përfitonin nga kjo veprimtari e paligjshme. Materialet procedurale iu referuan Prokurorisë së Tiranës për veprime të mëtejshme.
Gjatë ndërhyrjes, uniformat blu sekuestruan shuma parash të dyshuara si të përfituara nga prostitucioni, si dhe dy telefona celularë.