Shërbimet e Komisariatit të Policisë Nr. 3 në Tiranë kanë finalizuar operacionin policor të koduar "Foleja 4", në drejtimin e Prokurorisë së Tiranës.
Operacioni u zhvillua pas informacioneve të siguruara për ushtrim prostitucioni në një apartament të marrë me qira në rrugën Çamëria. Në pranga u vunë shtetaset kazakistaneze K. Zh., 19 vjeçe, dhe Zh. Sh., 25 vjeçe, të cilat hetimet i konfirmuan si autore të veprimtarisë së paligjshme.
Gjithashtu, nisi procedimi penal ndaj një shtetasi 33-vjeçar, i dyshuar si përfitues financiarisht nga prostitucioni.
Gjatë operacionit policia sekuestroi një shumë parash të dyshuar si e përfituar nga kjo veprimtari dhe dy celularë. Materialet iu referuan Prokurorisë së Tiranës për veprime të mëtejshme.