Komisariati Nr. 2 i Policisë së Tiranës finalizoi operacionin e koduar „Ilegal chat”, duke arrestuar dy shtetase vietnameze.
Bëhet fjalë për Th. A., 51 vjeçe, dhe Th. P., 33 vjeçe, të cilat dyshohen se ushtronin prostitucionin në një apartament të marrë me qira në rrugën „Naim Frashëri”.
Hetimet treguan se komunikimi me klientët për rregullimin e takimeve kryhej përmes rrjeteve sociale. Operacioni u bazua në punën informative për zbulimin e ambienteve të përdorura për prostitucion.
Nën drejtimin e Prokurorisë së Tiranës, policia vijon verifikimet për të identifikuar shtetas të tjerë të mundshëm të përfshirë. Materialet procedurale iu referuan Prokurorisë së Tiranës për veprime të mëtejshme ligjore.