Shërbimet e Komisariatit të Policisë Nr. 3 në Tiranë, në bashkëpunim me Prokurorinë e Tiranës, finalizuan operacionin e koduar “Foleja 3”, duke arrestuar 51-vjeçaren me inicialet Th. H., shtetase e Vietnamit.
Ajo dyshohet se ka ushtruar prostitucion në një apartament të marrë me qira në rrugën “Mine Peza”. Gjatë kontrollit u sekuestruan shuma parash dhe një celular si prova materiale.
Po ashtu, u proceduan penalisht dy shtetas të tjerë, të cilët dyshohen se kanë përfituar nga kjo veprimtari e paligjshme.
Hetimet dokumentuan aktivitetet e paligjshme në ambiente të tilla. Materialet iu referuan Prokurorisë së Tiranës për veprime të mëtejshme.