Policia e Lushnjës ka arrestuar në flagrancë shtetasin S. M., 19 vjeç, banues në fshatin Karbunarë e Madhe, i dyshuar për shfrytëzimin e shtetases braziliane L. S., 25 vjeçe, për prostitucion.
Hetimet e zhvilluara nga specialistët e Hetimit të Trafiqeve të DVP Fier, në bashkëpunim me Komisariatin e Policisë Lushnjë, zbuluan se i arrestuari e kishte strehuar shtetasen braziliane për rreth dy muaj në ambiente të ndryshme, përfshirë edhe banesën e tij. Ajo ushtronte prostitucionin në ambiente të tjera.
Operacioni, i koduar “Pitstop”, çoi në nisjen e procedimit penal ndaj L. S. për veprën penale “Ushtrimi i prostitucionit”.
Gjatë veprimeve policore u sekuestruan dy telefona celularë si prova materiale. Materialet procedurale iu referuan Prokurorisë për veprime të mëtejshme.
Përditësime
Policia e Shtetit konfirmoi se operacioni "Pitstop" u bazua në informacione të siguruara përmes rrugëve operative.