Specialistët e Seksionit për Hetimin e Narkotikëve të Komisariatit të Policisë Sarandë finalizuan operacionin “Meantime”, ku arrestuan shtetasin A. M., 30 vjeç, banues në Sarandë.
Ai u kap në flagrancë ndërsa qarkullonte me automjet në qytetin e Sarandës, dyshohet për shitje të dozave të kanabisit. Në automjet iu gjet një sasi lënde narkotike të ndarë në doza gati për shpërndarje, ndërsa në banesë u gjet një sasi tjetër kanabisi.
Si provë materiale u sekuestruan:
• lëndët narkotike kanabis nga automjeti dhe banesa;
• automjeti i përdorur;
• një peshore elektronike.
Materialet iu referuan Prokurorisë për veprime të mëtejshme. Operacioni u zhvillua në vijim të punave intensive për goditjen e veprimtarisë kriminale të shitjes së lëndëve narkotike.