Shërbimet e Komisariatit të Policisë Lezhë organizuan dhe finalizuan operacionin policor “Befasia” më 18 prill 2026, në vijim të punës për parandalimin dhe goditjen e rasteve të armëmbajtjes pa leje.
Bazuar në informacionet e marra në rrugë operative se një shtetas dispononte armë dhe municion luftarak, shërbimet kryen kontroll në banesën e L. J., 62 vjeç, në fshatin Markatomaj të Lezhës.
Gjatë operacionit u gjetën dhe u sekuestruan, në cilësinë e provës materiale, 1 armë zjarri automatike me 3 krehëra, 414 fishekë luftarakë, 6 granata difensive dhe 5 ndezëse detonatorësh të unifikuar.
Në vijim të veprimeve procedurale, L. J. u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Materialet procedurale iu referuan Prokurorisë pranë Gjykatës së Juridiksionit të Përgjithshëm Lezhë për veprime të mëtejshme.
Përditësime
Policia e Shtetit ka konfirmuar se 62-vjeçari i arrestuar quhet Lek Jakaj.