Policia e Shtetit arrestoi një shtetas të shpallur në kërkim ndërkombëtar në Belsh. Bëhet fjalë për Andrea Gjin-in alias Andrea Kuqja, 61 vjeç, banues në Belsh. Ky arrestim u realizua nga shërbimet e Drejtoria e Forcës së Posaçme Operacionale në Departamentin e Policisë Kriminale.
Ngjarja ndodhi në kuadër të fazës së 86-të të operacionit policor të koduar „Operacionalja“, i cili synon kapjen e personave të kërkuar ndërkombëtarisht. Operacioni u mbështet në informacione të siguruara në rrugë operative dhe përfshiu lokalizimin, identifikimin dhe prangosjen e 61-vjeçarit.
Andrea Gjini ishte dënuar në vitin 2016 nga Gjykata e Lucca-s në Itali me 15 vjet, 9 muaj e 18 ditë burgim. Dënimi u shqiptua për veprat penale:
• Shfrytëzim prostitucioni;
• Trafikim i lëndëve narkotike;
• Plagosje,
të parashikuara nga Kodi Penal italian.
Arrestimi provizor i tij u krye me qëllim ekstradimin drejt Italisë, ku do të vuajë dënimin e mbetur. Procedurat për dorëzimin te autoritetet italiane janë në vijim.