Agjencia e Ushqimit dhe Veterinarisë (AUV) ka ndaluar importin e kafshëve të gjalla dhe produkteve të tyre nga rajoni Maramureș i Republikës së Rumanisë. Masa u mor më 9 shkurt 2026, bazuar në raportet zyrtare të Organizatës Botërore për Shëndetin e Kafshëve (WOAH) dhe të Komisionit Evropian.
Në një fermë familjare në këtë rajon është konfirmuar prania e sëmundjes së tërbimit te kafshët shtëpiake. Në përputhje me Ligjin për Veterinarinë, AUV ka vendosur ndalimin e importit të gjedhë, dele, dhie dhe derra, si dhe të produkteve të tyre me origjinë nga zona e infektuar. Kjo masë ka hyrë në fuqi menjëherë.
AUV do të vazhdojë monitorimin e situatës dhe njoftimin e rregullt të publikut dhe operatorëve ekonomikë për çdo zhvillim të ri. Agjencia thekson përkushtimin për bashkëpunim të ngushtë me institucionet vendore dhe ndërkombëtare, me qëllim parandalimin e përhapjes së sëmundjes dhe mbrojtjen e shëndetit publik dhe atij veterinar.