Dashnor Sula, Inspektori i Përgjithshëm, zhvilloi në 1 prill 2026 tryezën pune përmbyllëse me përfaqësuesit e inspektorateve të varësisë, duke shënuar përfundimin e ciklit të takimeve të retreat-it për Reformën e Inspektimit.
Në takim morën pjesë përfaqësues nga AKB, AKM, DSHPA, AKVMB, AKAP, AKSEM, ISHTI dhe AKZM.
Sula deklaroi se reforma synon reflektimin e ndryshimeve në praktikën e përditshme të punës në terren, përmirësimin e standardeve të kontrollit dhe mbrojtjen e konsumatorëve.
Ai nënvizoi se zbatimi i ligjit të ri për inspektimin, i përafruar me standardet e BE-së, është thelbësor për rritjen e cilësisë së burimeve njerëzore, forcimin e kontrollit mbi standardet dhe rritjen e besimit tek institucionet.
Kur sistemi funksionon sipas standardeve, sigurohet transparenca, mbrohen të drejtat e qytetarëve dhe reduktohet informaliteti si dhe abuzimet.
Në të kundërt, moszbatimi krijon rreziqe për interesin publik dhe vendos përgjegjësi mbi trupat inspektuese.
Fokusi kryesor i reformës është rritja e cilësisë së kontrolleve në terren, me vëmendje te siguria, kushtet dhe gjurmueshmëria.
Diskutimet trajtuan unifikimin e praktikave të inspektimit, standardizimin e procedurave për trajtim të barabartë ndaj qytetarëve dhe bizneseve, harmonizimin e kalendarit të kontrolleve sipas riskut, forcimin e koordinimit ndërinstitucional dhe vendosjen e mekanizmave të monitorimit periodik.
Një element kyç ishte digjitalizimi i proceseve, që garanton gjurmueshmëri, redukton barrën administrative dhe rrit efektivitetin.
Takimi përfundoi me konfirmimin e hapave të ardhshëm: unifikim i praktikave, përmirësim i shkëmbimit të informacionit dhe rritje e standardit të shërbimit ndaj publikut.
Sula ritheksoi angazhimin për bashkëpunim të vazhdueshëm me inspektoratet dhe strukturat rajonale për rezultate konkrete.