Ndryshime në përbërjen e trupës gjykuese në Gjykatën e Lartë lidhur me çështjen e kryebashkiakut të Tiranës, Erion Veliaj. Gjyqtari Ilir Panda ka dhënë dorëheqjen si relator i kësaj dosjeje, ndërsa në vend të tij është caktuar gjyqtari Sandër Simoni.
Sipas informacioneve, në ditët në vijim pritet të përcaktohen edhe dy anëtarët e tjerë të trupës që do të plotësojnë treshen gjykuese. Në fokus të procesit do të jetë shqyrtimi i rekursit të paraqitur nga mbrojtja e Veliajt, përmes të cilit kërkohet revokimi i masës së sigurisë "arrest me burg", lirimi i menjëhershëm, si dhe shqyrtimi në themel i pretendimeve të palës mbrojtëse.
Në vendimmarrjen e saj, Gjykata e Lartë pritet të vlerësojë nëse masa e sigurisë "arrest me burg" është proporcionale në raport me funksionin publik që ushtron Erion Veliaj. Çdo person prezumohet i pafajshëm derisa të vërtetohet fajësia e tij me vendim gjyqësor të formës së prerë.