Përmes një dokumenti të ri joformal, Gjermania dhe Franca i kanë kërkuar Komisionit Evropian hartimin e propozimeve konkrete për të lehtësuar integrimin gradual të vendeve kandidate drejt anëtarësimit në Bashkimin Evropian. Dokumenti thekson nevojën për t'i dhënë një dinamikë të re politikës së zgjerimit, duke ruajtur si bazë kriteret e Kopenhagës dhe parimin e meritës.
Nisma parashikon disa mekanizma kyç për përshpejtimin e procesit:
• Ofrimi i përfitimeve nga tregu i brendshëm i BE-së për vendet kandidate, në përputhje me përparimin e tyre në negociata.
• Dhënia e statusit të vëzhguesit për përfaqësuesit e vendeve kandidate në takimet e institucioneve të BE-së, pa cenuar autonominë e vendimmarrjes së Unionit.
• Thjeshtimi i metodologjisë së negociatave për ta bërë procesin më efikas.
• Forcimi i bashkëpunimit politik përmes takimeve të rregullta mes Komisionit Evropian, anëtarëve të Parlamentit Evropian dhe përfaqësuesve të vendeve kandidate.
Sipas dokumentit, këto ndryshime kanë për qëllim krijimin e nxitjeve shtesë për vendet kandidate, pa cenuar pavarësinë e vendimmarrjes së Bashkimit Evropian. Dokumenti nënvizon se integrimi gradual nuk synon zëvendësimin apo zgjatjen e rrugës drejt anëtarësimit të plotë, por përshpejtimin e reformave të nevojshme.
Kjo nismë vjen në prag të samitit të 5 qershorit që do të mbahet në Tivat të Malit të Zi, si dhe samitit me Moldavinë të planifikuar për më 22 qershor. Dokumenti bën thirrje që këto mundësi të shfrytëzohen për të përmbyllur procesin e bashkimit të vendeve evropiane.
Përditësime
Propozimi i Gjermanisë dhe Francës për integrimin gradual të Ballkanit Perëndimor parasheh mekanizma të përforcuar bashkëpunimi, të cilët përfshijnë: