Të afërmit e efektivit të policisë Enea Mekolli, i cili humbi jetën gjatë një operacioni policor në Maliq dy ditë më parë, kanë ndërmarrë një iniciativë për mbledhjen e ndihmave financiare. Fushata është çelur në platformën GoFundMe, me qëllim mbështetjen e familjes së tij, e cila po përballet me kushte të vështira ekonomike.
Enea Mekolli, i cili mban titullin Dëshmor i Atdheut, la pas një fëmijë të mitur 8-muajsh, bashkëshorten, si dhe prindërit. Familja e policit ka kaluar më parë një tjetër humbje të rëndë, pasi vëllai i tij, gjithashtu punonjës policie, ndërroi jetë si pasojë e një sëmundjeje të pashërueshme.
Nëpërmjet kësaj thirrjeje, familjarët kërkojnë solidaritetin e shqiptarëve kudo ku ndodhen për t'iu gjendur pranë familjes së efektivit në këto ditë të vështira. Kontributet mund të kryhen përmes platformës së dedikuar.