Drejtoria e Përgjithshme e Burgjeve zhvilloi ditën e sotme një kontroll të befasishëm në Institucionin e Ekzekutimit të Vendimeve Penale Rrogozhinë.
Kontrolli u krye me urdhër të drejtorit të përgjithshëm të burgjeve Adriatik Kupi dhe nën drejtimin e drejtuesit të institucionit, shefit të policisë dhe grupit të sigurisë.
Kontrollet u ushtruan në ambientet e përbashkëta, në hapësirat e brendshme të godinave dhe në fushat e ajrimit, me qëllim identifikimin e sendeve të ndaluara. Në zonën e quajtur “brezi i butë” pranë Godinës nr. 1 u konstatuan të hedhur në tokë dy aparate celularë, për të cilët nuk u identifikua asnjë autor.
Sendet e ndaluara u sekuestruan menjëherë dhe u njoftuan strukturat e Shërbimit të Kontrollit të Brendshëm të Burgjeve për kryerjen e veprimeve të mëtejshme procedurale dhe hetimore.