Kriza në Groenlandë po shihet si provë për unitetin e NATO-s dhe aftësinë e Evropës për t’i rezistuar presionit të SHBA-së. Sipas një analize të The Guardian, udhëheqësit evropianë kanë pranuar shumicën e kërkesave të presidentit amerikan Donald Trump, nga rritja e shpenzimeve për mbrojtje deri te qëndrimet ndaj Ukrainës, por Groenlandë përbën një vijë të kuqe për shkak të sovranitetit territorial.
Evropa ndodhet në disavantazh diplomatik për shkak të varësisë nga SHBA-ja në fushën e sigurisë, çka e bën të vështirë një kundërshtim të fortë ndaj Uashingtonit. Presioni mbi Danimarkën dhe Groenlandën është rritur, ndërsa Trump mbetet i vendosur për të marrë kontrollin e ishullit, duke e arsyetuar interesin me sigurinë kombëtare dhe ambicie personale.
Bashkimi Evropian ka reaguar me hapa diplomatikë dhe simbolikë, duke forcuar praninë politike dhe financiare në Groenlandë. Presidentja e Komisionit Evropian, Ursula von der Leyen, ka deklaruar se ishulli mund të mbështetet tek BE-ja politikisht, ekonomikisht dhe financiarisht.