Zëvendëskryeministri dhe ministri i Mbrojtjes Ivan Anushiq mori pjesë në ceremoninë solemne të përcjelljes së kontingjentit të 45-të kroat, i cili përbëhet nga 133 ushtarë, drejt operacionit paqeruajtës të NATO-s KFOR në Republikën e Kosovës.
Ceremonia u zhvillua në kazermën “Kolonel Predrag Matanović” në Petrinja. Komandant i kontingjentit është brigadieri Marijan Grđan.
Gjatë fjalës së tij, ministri Anushiq theksoi se çdo ushtar dhe kontingjent kroat që ka marrë pjesë në misionet paqeruajtëse ka fituar vlerësimet më të larta nga kolegët e vendeve anëtare të NATO-s. Ai kujtoi se Ushtria kroate u krijua para 35 vitesh nga njësitë vullnetare dhe fitoi Luftën për Atdheun.
Ministri u uroi pjesëtarëve të kontingjentit të 45-të HRVCON sukses, mision të qetë dhe kthim të sigurt në Kroaci.