Dita e fundit e muajit qershor shënoi afatin përfundimtar për përmbushjen e reformave të parashikuara në kuadër të Planit të Rritjes për vendet e Ballkanit Perëndimor. Shtetet përfituese kanë afat deri më 15 korrik për të dorëzuar raportet zyrtare mbi hapat e ndërmarrë.
Zëdhënësi i Komisionit Evropian, Guillaume Mercier, konfirmoi se instrumenti financiar është i kushtëzuar nga performanca. Sipas tij, 78 për qind e reformave nga tri rundet e kaluara kanë shënuar përparim ose sukses, ndërsa 22 për qind mbeten të bllokuara. Komisioni Evropian ka të drejtë t’i mbajë fondet për reformat e pazbatuara, të cilat mund të rishpërndahen te vendet që demonstrojnë rezultate më të mira, me një afat kohor prej një viti për përmbushjen e kushteve.
Në rastin e Kosovës, kryenegociatori me BE-në, Jeton Zulfaj, bëri të ditur se vendi pritet të humbasë mbi 40 milionë euro për shkak të moszbatimit të reformave në kohë. Po ashtu, data 30 qershor shënoi përfundimin e periudhës “grejs”, apo kohës shtesë, që Komisioni Evropian kishte miratuar për hapat reformues që kishin afat përfundimi në mesin e vitit 2025.
Përditësime
Zyrtarët e Bashkimit Evropian kanë përcaktuar mekanizmat e rialokimit dhe afatet e reja për Planin e Rritjes: