Një ngjarje e rëndë është regjistruar në Vlorë, ku një i paraburgosur ka ndërruar jetë. 50-vjeçari, me shtetësi nga Maqedonia, pësoi një përkeqësim të menjëhershëm të gjendjes shëndetësore teksa ndodhej në ambientet e Institucionit të Paraburgimit të Vlorës.
Sapo është konstatuar gjendja e tij, stafi i paraburgimit e ka transportuar me urgjencë drejt Spitalit Rajonal të Vlorës. Pavarësisht përpjekjeve të personelit mjekësor, 50-vjeçari ka mbërritur në spital pa shenja jete. Sipas informacioneve paraprake, shkaku i vdekjes dyshohet të jetë një arrest kardiak. Autoritetet përkatëse pritet të njoftojnë zyrtarisht për të sqaruar rrethanat e plota të ngjarjes.
Përditësime
Sipas autoriteteve, viktima 54-vjeçare ishte ndaluar për veprën penale të lëndëve narkotike. Nga të dhënat mjekësore rezulton se i ndjeri vuante nga epilepsia dhe kishte pësuar më herët një episod kardiak gjatë qëndrimit në paraburgim.