Për ditën e nesërme, në Gjykatën Themelore në Prishtinë është caktuar mbajtja e seancës së shqyrtimit fillestar në rastin penal ndaj 21 personave, të cilët akuzohen për kryerjen e veprës penale “Krime lufte kundër popullsisë civile”.
Sipas njoftimit të Departamentit Special të kësaj gjykate, të pandehur në këtë rast janë shtetasit:
• Zllatomir Peshiq
• Mlladen Cirkoviq
• Radomir Markoviq
• Dushko Adamoviq
• Obrad Stevanoviq
• Zhivko Trajkoviq
• Goran Radosavleviq
• Bogolub Janiçqviq
• Sllavisha Ivanoviq
• Boshko Vukiqeviq
• Sreten Popoviq
• Nikolla Petroviq
• Kërsman Jellliq
• Lubisha Stojimiroviq
• Bozhidar Deliq
• Radojko Stefanoviq
• Dragan Zhivanoviq
• Milosh Gjoshan
• Lubinko Cvetiq
• Bozhidar Filiq
• Milovan Kovaçeviq
Procesi gjyqësor parashikohet të zhvillohet në mungesë të të pandehurve, për shkak se ata kanë qenë të paarritshëm për organet e ndjekjes që nga momenti i ngritjes së aktakuzës. Prokuroria Speciale e Republikës së Kosovës ka dorëzuar propozimin përkatës për këtë procedurë, ndërsa gjykata u ka bërë thirrje publike të akuzuarve që të paraqiten dhe të dorëzohen pranë organeve të rendit në Republikën e Kosovës. Seanca është planifikuar të nisë nga ora 10:00.