Në Gjykatën Themelore në Prishtinë zhvillohet sot seanca e shqyrtimit fillestar për çështjen penale ndaj 21 të pandehurve, të cilët akuzohen për kryerjen e krimeve të luftës kundër popullsisë civile. Departamenti Special i kësaj gjykate ka konfirmuar se procesi gjyqësor po zhvillohet në përputhje me aktakuzën e ngritur nga Prokuroria Speciale e Republikës së Kosovës.
Sipas njoftimeve zyrtare, duke marrë parasysh se të akuzuarit nuk kanë qenë të kapshëm për organet e drejtësisë gjatë fazës hetimore, është kërkuar që gjykimi të zhvillohet në mungesë të tyre. Gjykata Themelore në Prishtinë u ka bërë thirrje publike të pandehurve që të dorëzohen vullnetarisht për t'u përballur me akuzat.
Personat e akuzuar në këtë rast janë:
- Zllatomir Peshiq
- Mlladen Cirkoviq
- Radomir Markoviq
- Dushko Adamoviq
- Obrad Stevanoviq
- Zhivko Trajkoviq
- Goran Radosavleviq
- Bogolub Janiçqviq
- Sllavisha Ivanoviq
- Boshko Vukiqeviq
- Sreten Popoviq
- Nikolla Petroviq
- Kërsman Jellliq
- Lubisha Stojimiroviq
- Bozhidar Deliq
- Radojko Stefanoviq
- Dragan Zhivanoviq
- Milosh Gjoshan
- Lubinko Cvetiq
- Bozhidar Filiq
- Milovan Kovaçeviq
Seanca është parashikuar të nisë nga ora 10:00.
Përditësime
Gjykata Themelore në Prishtinë ka nisur sot gjykimin ndaj 21 personave të akuzuar për krime lufte kundër popullsisë civile. Trupi gjykues kryesohet nga gjyqtarja Violeta Namani, ndërsa asnjë nga të pandehurit nuk ishte i pranishëm në sallë për t'u përballur me akuzat.
Trupi gjykues në Gjykatën Themelore në Prishtinë ka përfunduar seancën gjyqësore për 21 persona të akuzuar për krime lufte. Sipas Prokurorisë Speciale të Republikës së Kosovës, akuzat lidhen drejtpërdrejt me masakrën e Reçakut. Palët kanë afat prej 30 ditësh për të ushtruar të drejtën e ankesës ndaj vendimit.