Organizata e Veteranëve të Luftës së UÇK-së ka reaguar lidhur me ceremoninë e varrimit të ish-komandantit serb të dënuar për krime lufte, Ratko Mlladiq. Në një reagim zyrtar, kjo organizatë e ka dënuar ashpër atë që e cilëson si përpjekje të shtetit serb për ta paraqitur Mlladiqin si hero kombëtar përmes një ceremonie të organizuar si akt nderimi shtetëror.
Sipas OVL-UÇK-së, kurorëzimi i një krimineli të dënuar lufte si hero kombëtar fyen çdo viktimë të tij dhe rehabiliton hapur ideologjinë që prodhoi gjenocid. Organizata ka akuzuar Beogradin zyrtar për refuzim të vazhdueshëm për t'u përballur me të kaluarën e tij, duke paralajmëruar se kjo qasje politike kërcënon paqen në rajon.
Në mbyllje të qëndrimit të saj, organizata deklaroi se kujtimi dhe dinjiteti i viktimave nuk negociohen, as tani dhe as kurrë.