Një peshkaqen i gjallë ka dalë ditën e sotme në bregdetin e Lungomares në Vlorë. Kafsha, e cila është identifikuar si e përmasave të vogla, ka shfaqur plagë të rënda në pjesë të ndryshme të trupit.
Sipas të dhënave paraprake, dyshohet se dëmtimet janë shkaktuar nga helikat e mjeteve lundruese që qarkullojnë në zonë. Goditjet kanë shkaktuar plagë të thella, duke bërë që peshkaqeni të humbasë orientimin dhe të dalë i lënduar deri në vijën bregdetare të shëtitores, një zonë me lëvizje të lartë të qytetarëve dhe pushuesve.