Policia e Kosovës ka njoftuar se më 21 janar 2026, rreth orës 18:00, gjatë patrullimit në fshatin Llozno të Leposaviqit, ka hasur në gëzhoja të fishekëve të armës së gjuetisë.
Pas kësaj, policia ka kontrolluar tri shtëpi të pabanuara dhe ka gjetur si prova materiale:
• 80 copë fishekë të kalibrave të ndryshëm;
• një rrethanore;
• dy gëzhoja;
• disa çanta ushtarake;
• një uniformë me simbole të Serbisë;
• një maskë ushtarake;
• dy baza me barot për mbushje;
• një qese me sfera metalike;
• dy gota barot për mbushje të fishekëve;
• 140 kapsula për fishekë;
• tri vegla pune;
• disa gëzhoja të fishekëve.
Të gjitha këto janë konfiskuar. Rasti ndodhet nën hetime nga policia.
Përditësime
Policia e Kosovës ka gjetur armë të ndryshme prej disa muajsh, kryesisht në veriun me shumicë serbe, sipas ABC News Albania.