Gjatë një operacioni në fshatin Potokmali të Leposaviqit, Policia e Kosovës ka sekuestruar sasi të konsiderueshme armatimi dhe pajisjesh në dy shtëpi të pabanuara.
Sipas njoftimit zyrtar, rreth orës 15:30, në njërin prej lokacioneve u gjetën: një radiolidhje me adapter, municion për armë gjahu, 22 kapsolla, vaj për armë, një fishek, pjesë plastike me barut, një thikë, këllëf për revole, një xhaketë ushtarake me mbishkrimin e Serbisë, një revole me karikator dhe pesë fishekë, si dhe gjashtë krehër me gjithsej 56 fishekë.
Ndërkaq, rreth orës 15:15, në një tjetër shtëpi të pabanuar në të njëjtën zonë, policia gjeti dhe sekuestroi:
- Një armë të gjatë.
- Dy krehër me 20 fishekë.
- Një makineri për mbushjen e fishekëve të armëve të gjahut.
- Dy kuti me sfera metalike për armë gjahu.
Lidhur me këto gjetje, është njoftuar prokurori kompetent dhe kanë nisur hetimet për veprën penale "Armëmbajtje pa leje". Vijon puna për të zbardhur rrethanat e ngjarjes dhe për të identifikuar personat përgjegjës.