Shërbimet e Komisariatit të Policisë Krujë kanë finalizuar operacionin policor të koduar “Game Over 3”, në vijim të punës për evidentimin dhe goditjen e veprimtarive të paligjshme në fushën e lojërave të fatit.
Në kuadër të këtij operacioni u arrestuan shtetasit G. B., 34 vjeç, dhe D. H., 24 vjeç, si dhe u procedua penalisht shtetasi E. S., 39 vjeç. Të tre janë banues në Krujë.
Në celularët e tyre policia gjeti faqe dhe linqe që shërbenin për vënien e bastesh sportive. Gjatë operacionit u sekuestruan 3 celularë në cilësinë e provës materiale.
Aktiviteti i paligjshëm zhvillohej në disa lokale në Krujë përmes celularëve.
Materialet procedurale i kaluan Prokurorisë për veprime të mëtejshme.