Operacioni policor u zhvillua pas një hetimi me metoda proaktive nga shërbimet e Komisariatit të Policisë Tepelenë, në bashkëpunim me Prokurorinë, për të dokumentuar veprimtarinë kriminale të 57-vjeçarit. I dyshuari kishte zgjedhur një zonë të thellë në kanionet e Progonatit për të fshehur bimët narkotike.
Sipas autoriteteve, i dyshuari, banues në Tepelenë, u ndalua gjatë ndërhyrjes në vendngjarje. Të 175 bimët e gjetura në vazo u asgjësuan, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për hetime të mëtejshme.
Policia njoftoi se kontrollet për evidentimin dhe parandalimin e kultivimit të bimëve narkotike vijojnë në të gjithë territorin e qarkut.
Përditësime
Policia e Tepelenës ka arrestuar Ilir Muçin, 57 vjeç, në kuadër të operacionit të koduar "Tepelena", me akuzën e kultivimit të kanabisit.