Operacioni policor, i drejtuar nga Sektori për Hetimin e Krimeve Ekonomiko-Financiare dhe Sektori për Hetimin e Krimeve Kibernetike të DVP Tiranë, u zhvillua pas informacioneve të siguruara mbi veprimtarinë e dyshimtë të mashtrimit kompjuterik me bazë në një objekt në bulevardin “Gjergj Fishta”.
Personat e arrestuar në flagrancë janë identifikuar si Ernest Kurti, Amanti Jeshili, Eljo Dyrmishi dhe Marjo Myftari. Ata dyshohet se administronin aktivitetin e paligjshëm. Ndërkohë, 49 persona të tjerë, të cilët u gjetën duke punuar në ambientet e këtij call center-i, po procedohen penalisht në gjendje të lirë.
Në cilësinë e provës materiale, policia sekuestroi gjithsej 107 pajisje, ku përfshihen 94 kompjuterë, 11 celularë dhe 2 iPad, si dhe dokumentacion tjetër me interes për hetimin. Materialet procedurale i janë referuar Prokurorisë së Tiranës për ndjekje të mëtejshme penale.
Përditësime
Policia e Shtetit ka identifikuar katër personat e arrestuar gjatë operacionit për goditjen e një qendre mashtrimi në Tiranë. Të ndaluarit janë Ernest Kurti (28), Amanti Jeshili (21), Eljo Dyrmishi (21) dhe Marjo Myftari (19). Aktiviteti i paligjshëm zhvillohej në katin e dytë të një objekti në bulevardin Gjergj Fishta.