Policia e Tiranës kryen më 16 prill 2026 një kontroll në një ambient në fshatin Bërzhitë, në pronësi/administrim të shtetasit F. K.. Sipas informacioneve të siguruara në rrugë policore, aty dyshohet se kryhej mashtrim kompjuterik në formë call center-i, kryesisht ndaj qytetarëve të huaj me manipulime në bursë.
Nga ambienti u sekuestruan njësi kompjuterike dhe celularë, të cilët do t'i nënshtrohen ekzaminimeve për të përcaktuar qëllimin e përdorimit të tyre. Subjekti është i regjistruar me aktivitet në fushën e turizmit mjekësor, dhe shtetasi F. K. ka paraqitur dokumentet përkatëse.
Hetuesit kanë zbardhur taktikën e përdorur nga administratori për t'i shpëtuar kontrolleve. Hetimet vijojnë për të dokumentuar rrethanat e plota të rastit. Materialet procedurale iu referuan Prokurorisë së Tiranës për veprime të mëtejshme.
Ky është goditja e radhës ndaj call center-ave mashtruese në Tiranë. Disa ditë më parë u zbuluan tre qendra të tilla, ku u arrestuan 7 persona dhe u shpallën në kërkim 2 të tjerë, për mashtrime me vlera deri në 5 milionë euro ndaj qytetarëve të huaj. Hetimet kishin nisur në Austri, dhe operacioni u zhvillua në bashkëpunim me SPAK-un dhe Policinë e Shtetit.