Këshilli i Ministrave miratoi më 11 mars 2026 një vendim që vendos standarde teknike dhe rregulla minimale për rikthimin e funksionimit të platformave të basteve sportive online në Shqipëri.
Vendimi synon të rrisë nivelin e kontrollit dhe transparencës në aktivitetin e basteve sportive online që ofrohen nga subjektet e licencuara. Ai përcakton kriteret teknike dhe kërkesat bazë që duhet të plotësojnë sistemet, faqet e internetit dhe aplikacionet për bastet sportive online.
Ndër kërkesat kryesore përfshihen:
- Standardet minimale për sistemet ku administrohen, menaxhohen dhe zhvillohen bastet sportive online, duke përfshirë komponentët hardware dhe software;
- Rregullat për identifikimin dhe regjistrimin e lojtarëve, me qëllim garantimin e aksesit të ligjshëm, mbrojtjen e të dhënave personale dhe parandalimin e aktiviteteve të paligjshme;
- Procedurat për faturimin dhe pagesat, sipas të cilave çdo transaksion financiar lidhet me bastet sportive online regjistrohet dhe monitorohet në kohë reale nga institucionet shtetërore përgjegjëse.
Përditësime
Qeveria miratoi vendimin e propozuar nga Ministria e Financave për bastet sportive online, i cili hyri në fuqi më 1 prill 2024, por mbeti i pazbatueshëm për mungesë aktesh nënligjore. Parashikohen 10 licenca 10-vjeçare, me kapital themeltar 40 milionë lekë dhe tarifë licencimi 400 milionë lekë. Sistemet kërkojnë certifikim para nisjes dhe bastet funksionojnë vetëm online. Pritet formulimi i 7 akteve nënligjore të tjera.