Këshilli i Ministrave ka miratuar një vendim të ri që përcakton kriteret dhe afatet ligjore për pezullimin ose revokimin e licencave të operatorëve të basteve sportive online në Shqipëri. Këto masa administrative synojnë disiplinimin e tregut dhe rregullimin e këtij aktiviteti.
Shkaqet për masa administrative
Sipas vendimit, subjektet mund të përballen me pezullim ose revokim të licencës në rastet kur:
• Nuk përmbushin kriteret bazë të licencimit.
• Nuk ngurtësojnë fondin e garancisë.
• Përsërisin shkeljet ligjore.
• Nuk shlyejnë detyrimet ndaj Autoritetit të Mbikëqyrjes së Lojërave të Fatit (AMLF) ose ndaj fituesve.
Procedurat dhe garancitë
Procedura për marrjen e masave nis nga AMLF ose Komisioni i Licencave. Pas shqyrtimit të dokumentacionit, ky komision propozon masën përkatëse për ministrin përgjegjës për Financat, i cili nxjerr vendimin përfundimtar. Për shqyrtimin e këtyre praktikave, pranë ministrisë do të ngrihet një komision i posaçëm AD-HOC.
Operatorët gëzojnë të drejtën për t'u njoftuar dhe për të marrë pjesë në seanca dëgjimore për të paraqitur shpjegimet e tyre. Në rast pezullimi, ky afat mund të jetë nga 30 ditë deri në plotësimin e kushteve, por pa tejkaluar dy vjet. Gjatë kësaj kohe, ushtrimi i aktivitetit është i ndaluar. Subjektet e prekura ruajnë gjithashtu të drejtën e ankimit në gjykatat kompetente.