INSTAT raporton se në shkurt 2026, krahasuar me të njëjtën periudhë të 2025, çmimet e prodhimeve të freskëta si frutat, perimet dhe nënproduktet e blegtorisë kanë shënuar rritjen më të madhe në shportën e konsumit familjar.
Mollët kryesojnë me rritje 18.5%, duke kushtuar mesatarisht 138.5 lekë/kg. Vezët kanë rritje 16.7%, me çmim 25.8 lekë për kokërr, ose 3.7 lekë më shumë se viti paraprak.
Produkte të tjera të freskëta në trend rritës:
- Limonët me 14.8%, mbi 163 lekë/kg;
- Kastravecët me 14.2%;
- Domatet me 11.8%.
Kripa dhe kafeja e bluar janë rritur me mbi 9%, ku 100 gramë kafe u shit me 155.8 lekë nga 142.3 lekë.
Ndërkohë, çmimet e disa produkteve bazë kanë rënë:
- Sheqeri me rreth 27.6 lekë/kg;
- Patatja me 22.2 lekë;
- Makaronat me rreth 27.6 lekë për paketë;
- Portokallet me 23.7 lekë.
Produkte si mishi dhe djathi mbeten në nivele të larta. Sektori i karburanteve dhe energjisë ka qenë stabil në shkurt, por çmimi i naftës u rrit nga 171 lekë/kg në 218 lekë/kg këto ditë, me 27.5%, për shkak të luftës në Iran.